Tuesday, February 1, 2011

త్యాగయ్య - అందుకో నా వందనాలు !!

అందరికీ త్యాగరాజ ఆరాధనోత్సవాల శుభాకాంక్షలు (ఆలస్యంగా)

యోగము చేసెనో? విమల యూహల మిమ్మనుభూతి చెందగా
యాగము చేసెనో? స్వర లయాత్మకులౌ మిము ప్రస్తుతింపగా
ఏ గరిమన్ లభించెనయ ఇంతటి తీయదనమ్ము వ్రాయగా    
త్యాగయకున్, వచింపుమయ ! దాశరధీ, హృదయాంతరాకృతీ  !!



ఏ రస వాహిని మదికిన్
తారణ మార్గమ్ము నిచ్చె, తలచెద వానిన్
కారుణ్యామృత రాశిని,
తారక నామమ్ము వాని, త్యాగయ వానిన్ !!
at

19 comments:

  1. ఊకదంపుడుFebruary 2, 2011 at 12:17 PM

    బావున్నాయండి, మకుటం చాలా అందంగా వచ్చింది. మీకు చక్కగా అమరింది.తా పొరబాటున దీర్ఘం బడింది, చూడండి.

    ReplyDelete
  2. Sanath SripathiFebruary 2, 2011 at 4:43 PM

    ఊదం.గారూ, నెనర్లు. టైపోనూ సరిచేశా, ధన్యవాదాలు

    ReplyDelete
  3. రాఘవFebruary 2, 2011 at 9:42 PM

    వ్రాతా గీతా రెండూ బాగున్నాయండీ. అభినందనలు, అభివందనములు. :)

    ReplyDelete
  4. కామేశ్వరరావుFebruary 2, 2011 at 10:20 PM

    చాలా హృద్యంగా ఉన్నాయి పద్యాలు. చిత్రం కూడా చాలా బాగుంది. ఆ కూర్చున్న తీరులోను, ముఖకవళికల్లోనూ త్యాగయగారి తన్మయత్వం చాలా చక్కగా గోచరమవుతోంది!
    పద్యాలలో కొన్ని దిద్దుబాట్లు. "చేసితో" అంటే "చేసావో" అనే అర్థం వస్తుంది, నాకు తెలిసి. "చేసెనో" అన్నది ఇక్కడ సరైన పదం అనుకుంటాను.
    "మిమ్మనుభీతి" - ఇది "మిమ్మనుభూతి" కాదా?
    రెండవ పద్యం మూడవ పాదంలో మొదటి అక్షరం లఘువవ్వడం మూలాన ప్రాస తప్పింది. "కారుణ్య నిధిని" అంటే సరిపోతుంది.

    ReplyDelete
  5. Sanath SripathiFebruary 3, 2011 at 5:55 PM

    నిజమే కదా... కనీసం ఒక పది సార్లైనా చూసుకుని ఉంటా, సరిగా ఉందా, తప్పులేమైనా ఉన్నాయా అని... కళ్ళెదుటనే ఉన్నా తప్పును ఒప్పుగా చదివేయటం మనసుకు ఎంత సుళువో కదా...

    ధన్యవాదాలు గురూజీ, రాఘవా.. :-)

    ReplyDelete
  6. జ్యోతిFebruary 8, 2011 at 8:06 AM

    రాత, గీత రెండూ అద్భుతంగా ఉన్నాయండి..

    ReplyDelete
  7. చింతా రామ కృష్ణా రావు.February 8, 2011 at 8:20 AM

    డియర్ సనత్! అభినందనలు.

    రాత కాదది భక్తుని వ్రాత గాని.
    గీత కాదది శ్రీపతి గీత కాని.
    సత్తుయౌనది కవి సనత్తు చేత.
    వ్రాత గీతల నేర్పరీ! వ్రాయు మెపుడు.

    ReplyDelete
  8. కొత్త పాళీFebruary 8, 2011 at 9:02 AM

    "దాశరధీ, హృదయాంతరాకృతీ !!"

    Beautiful. absolutely beautiful.

    ReplyDelete
  9. డా. గన్నవరపు నరసింహమూర్తిFebruary 8, 2011 at 8:09 PM

    This comment has been removed by the author.

    ReplyDelete
  10. డా. గన్నవరపు నరసింహమూర్తిFebruary 8, 2011 at 8:32 PM

    This comment has been removed by the author.

    ReplyDelete
  11. డా. గన్నవరపు నరసింహమూర్తిFebruary 8, 2011 at 9:37 PM

    వర్ణచిత్ర మందు వాగ్గేయ కారుని
    ప్రభల నలరఁజేయ భాసురుండై
    త్యాగరాజు పాడె రాగ తాళము లందు,
    సనతు దర్శనమ్ము చక్షు హితము !

    సనత్, త్యాగరాజుల వారి చిత్రము చాలా బాగుంది. మీ పద్యములు చిత్రమునకు తగునట్లు మధురముగా ఉన్నాయి. మీకు హృదయపూర్వక అభినందనలు.

    ReplyDelete
  12. Sanath SripathiFebruary 8, 2011 at 11:30 PM

    నారాయణ స్వామి గారూ, జ్యోతిగారూ, చింతావారు, మూర్తిగారు!!
    ధన్యవాదాలు.

    ReplyDelete
  13. చింతా రామ కృష్ణా రావు.February 9, 2011 at 1:37 AM

    ప్రభల నలరఁజేయ భాసురుండై

    అనే దానిలో భాసురుడయి
    అని వ్రాస్తే సరిపోతుందండి.

    ReplyDelete
  14. ఫణి ప్రసన్న కుమార్February 9, 2011 at 3:26 AM

    సనత్ గారూ,
    త్యాగయ్య గారి బొమ్మ చాలా బాగుంది. ఇంతకు మునుపు మీ బ్లాగు చూశాను కానీ, మీ బొమ్మలని గమనించలేదు. పాత టపాలన్నీ చూశాను. బొమ్మలు, పద్యాలు చాలా బాగున్నాయి.

    ReplyDelete
  15. రవిFebruary 9, 2011 at 4:59 AM

    అద్భుతంగా ఉంది. రంగులు, త్యాగయ్య ముఖంలో నిర్మలత, తేజస్సు చక్కగా కుదిరాయి. మా పాపాయి మీ అంత చక్కగా బొమ్మలు గీయాలని నా ఆశ.

    దాశరధీ, హృదయాంతరాకృతీ! - దాశరథీహృదయాంతరాకృతీ అని సమాసంగా ఉండి త్యాగయ్యనే ప్రశ్నిస్తున్నట్టు ఉంటే బావుంటుందా? ఆలోచించండి.

    ReplyDelete
  16. రవిFebruary 9, 2011 at 5:00 AM

    క్షమించాలి. ఇందాక వ్యాఖ్య ఆవేశంగా రాశాను. దాశరథీ, హృదయాంతరాకృతీ! సబబుగా ఉంది.

    ReplyDelete
  17. డా. గన్నవరపు నరసింహమూర్తిFebruary 9, 2011 at 4:11 PM

    శ్రీ చింతా రామకృష్ణా రావు గారికి నమస్కారములు, ధన్య వాదములు. రెండో పాదము సాఫీగా సాగ లేదు. పోస్ట్ చేసాక గణ దోషము చూసాను. రౌటరు ,అంతర్జాలము,సహకరించ లేదు,తప్పు సవరించడానికి.

    ReplyDelete
  18. Sanath SripathiFebruary 10, 2011 at 7:11 AM

    రవిగారు, ఫణిగారూ !
    ధన్యవాదాలు

    ReplyDelete
  19. Several tipsFebruary 14, 2011 at 7:53 PM

    Your blog is good.

    ReplyDelete