గరికపాటి వారి సంక్రాంతి వర్ణన

గరికపాటి వారి వివిధ అవధాన వేళల్లో సంక్రాంతి వర్ణన

సంక్రాంతి

మింటను క్షీర సాగరము మేలుగ దర్శన మిచ్చుచుండు, ఇం

టింటికి భూమి నవ్వునదె, ఇంతుల ముగ్గుల రూపమంది, వం

టింటి హడావుడుల్ రసన నెంతొ రసార్ద్రము చేసె, రంగనిన్

పంటను నొక్కి పాడు హరిభక్తుడు పౌషపు వేళలందునన్..

గొబ్బిళ్ళ వర్ణన (మత్తకోకిల)

గొబ్బి పూవులు కన్నె కన్నుల కోర్కెలై విరబూయగా

నిబ్బరంబున గన్నెలెల్లరు నిత్య పూజలు సేయగా

గొబ్బి పాటలు పాపనోటికి గోరుముద్దల తీరుగా

నబ్బురంబగు సంబరంబిది అంబరంబులనంటెడిన్

సంక్రాంతి శుభాకాంక్షలు.